To lead is to serve — — 領袖嘅代價

一九二一年十二月六日，倫敦，唐寧街十號。

愛爾蘭獨立領袖 Michael Collins 代表愛爾蘭共和國政府，簽署《愛英條約》，愛爾蘭自由邦成爲英帝國自治領。結果，英國答應給予自治，愛爾蘭同北愛分裂，愛爾蘭共和派嘅建國夙願落空。

經歷一年獨立戰爭，英國鎮壓行動遭受國內外譴責，義軍亦進退失據，英軍增援兵臨城下，後勤彈藥亦無以爲繼。Collins 等一衆組織者相繼判斷，抗爭終須息止，停火係逼不得已。

就如陸徵祥所言：「弱國無外交。」共和黨人喺一九一九年宣告獨立，並無所謂國際線支援，只得到區區蘇聯承認。兵疲意阻，內外交困，停戰能夠維持愛爾蘭生存，已係窘境中嘅最佳結果。